Sosial

Vərəm pandemiya dövründə də iş başındadır

24 Mart, 2021
2676

Verywell Health

Ümumdünya Səhiyyə Təşkilatının (ÜST) qərarı ilə hər il martın 24-ü Ümumdünya Vərəmlə Mübarizə Günü kimi qeyd edilir. 

Vərəm xəstəliyinin törədiciləri ilk dəfə 1882-ci ildə alman mikrobioloqu Robert Kok tərəfindən aşkarlanıb. Xəstəliyin özünü 1895-ci ildə alman alimi Vilhelm Rentgen öz kəşfi olan, sonralar onun şərəfinə rentgen şüaları adlandırılmış iks-şüalar vasitəsilə müəyyən edib. 

1906-cı ildə Andrey Popov insanları kütləvi şəkildə müayinə etməyə imkan verən rentgen aparatı yaradıb. Vərəmə qarşı ilk peyvənd 1921-ci ildə, ilk dərman preparatı isə 1944-cü ildə kəşf edilib. “Streptomitsin” vərəmin müalicəsində istifadə edilə biləcək ilk aminoqlikosid antibiotiki olub. Bu kəşfinə görə Zelman Vaksman Nobel mükafatı ilə təltif edilib. 

ÜST-ün statistikasına görə, hər il 10 milyon insan vərəmə yoluxur. Müalicə edilə bilən xəstəlik olmasına baxmayaraq ildə 1,5 milyon insan vərəmdən ölür. ÜST vərəmi "Dünyanın ən yaxşı yoluxucu qatili" adlandırır. 

Qurum bildirir ki, vərəm xəstələrinin əksəriyyəti aşağı və orta gəlirli ölkələrdə yaşasalar da, xəstəlik bütün dünyada mövcuddur. 

Vərəmli insanların təxminən yarısı 8 ölkənin - Banqladeş, Çin, Hindistan, İndoneziya, Nigeriya, Pakistan, Filippin və Cənubi Afrikanın vətəndaşlarıdır. 

2015-ci ildə Birləşmiş Millətlər Təşkilatı “2030-cu ilə qədər Davamlı İnkişaf üzrə Məqsədlər” müəyyənləşdirib. Həmin məqsədlərdən biri vərəmin qlobal epidemiyasının ləğv edilməsidir. 

ÜST isə 2014-cü ildə Ümumdünya Səhiyyə Asambleyası tərəfindən dəstəklənən “2016-2035-ci illər üzrə Vərəmin ləğvi Strategiyasını” qəbul edib. 

Rəsmi statistikaya görə, hazırda Azərbaycanda 8 minə yaxın vərəmli xəstə var. 

2000-ci il mayın 2-də “Azərbaycan Respublikasında vərəmlə mübarizə haqqında” qanun qəbul edilib. Qanun əhalinin vərəmdən mühafizəsinin təşkilati-hüquqi əsaslarını, vərəm xəstəliyinə tutulmuş şəxslərin hüquq və vəzifələrini müəyyən edir. 

Azərbaycan Respublikası Nazirlər Kabinetinin -2003-cü ildə qəbul olunmuş 133 nömrəli qərarı ilə “Daimi yaşayış yeri olmayan, ətrafdakılar üçün təhlükə törədən vərəm xəstəliyinə tutulmuş şəxslər üçün təşkil olunan xüsusi xəstəxana-internatlara xəstələrin göndərilməsi və qəbulu Qaydası”; 

- 157 nömrəli qərarı ilə “Ətrafdakıları vərəmlə yoluxdurmaq təhlükəsi olan şəxslərin işləməsi qadağan olunan peşə və vəzifələrin Siyahısı”; 

- 2010-cu ildə isə 226 nömrəli qərarı ilə “2011-2015-ci illər üçün vərəmlə mübarizə üzrə Tədbirlər Proqramı” təsdiq edilib. 

Pandemiya vərəmlə mübarizəyə necə təsir göstərib? 

ÜST-ün builki hesabatına görə, ötən il 2019-cu ilə nisbətən 1.4 milyon az xəstə vərəmdən müalicə olunub, yəni xəstəlikdən müalicə olunanların sayı 21 faiz azalıb. 

Daha böyük azalma isə İndoneziyada (42%), Cənubi Afrikada (41%), Filippində (37%) və Hindistanda (25%) qeydə alınıb. 

"Bəzi ölkələr pandemiyanın təsirini azaltmaqdan ötrü addımlar atdılar – infeksiyaya nəzarəti gücləndirdilər, rəqəmsal texnologiyadan istifadəni genişləndirərək məsafədən dəstək təmin etdilər, evdə vərəmin profilaktikası və müalicəsini həyata keçirdilər. Amma bir çox vərəmli şəxslər onlara gərəkən qayğını ala bilmirlər" - qurumun hesabatında belə deyilir. 

ÜST 2020-ci ildə yarım milyondan çox insanın vərəmdən öldüyünü ehtimal edir, amma dəqiq diaqnoz qoya bilmir. 

ÜST bunun yeni problem olmadığını bildiri: “Hələ pandemiya başlanmazdan əvvəl də hər il vərəmə yoluxanlarla diaqnoz qoyulanlar arasında 3 milyonadək fərq olurdu. COVİD-19 bu vəziyyəti xeyli kəskinləşdirdi”. 

Elmi-Tədqiqat Ağciyər Xəstəlikləri İnstitutunun həkimi Polad Muradovun "Toplum TV"-yə dediyinə görə, Azərbaycanda vərəmlə mübarizə qənaətbəxşdir. 

Həkim müalicə etdiyi vərəm xəstələrinin bir çoxunun artıq koronavirus əleyhinə peyvəndləndiyini, bunun pasientlərə əks təsir göstərmədiyini söyləyir. 


Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Sosial

Su və kanalizasiya probleminin həllinə milyardlarla manat tələb olunur

28 Fevral 2024

Açıq mənbələrdən götürülüb

"Su və kanalizasiya problemlərinin həlli üçün 20 milyard manat lazım olduğu açıqlanıb" Toplum TV APA-ya istinadən xəbər verir ki, bunu Dövlət Su Ehtiyatları Agentliyinin sədri Zaur Mikayılov deyib. Onun sözlərinə görə, kanalizasiya layihəsi hazır olmayan yeganə rayon Bərdədir:  “O layihə də Fövqəladə Hallar Nazirliyindən keçməkdədir. Hazırda sadəcə içməli su və kanalizasiya sistemlərində davam edən layihələrin maliyyəti 2,7 milyard manatdan çoxdur. Təkcə Gəncədə layihələrin icrası 550 milyon manat tələb edir. Aran bölgələrində qapalı sistemə keçirilməsi üçün 9 milyard manata yaxın vəsait tələb olunur. Sırf indiki vəziyyəti düzəltmək üçün isə 20 milyard manat vəsait lazımdır. Biz bir şeyi etmək istəyiriksə, birinci maliyyətinə...
Sosial

Erkən nikahla dünyaya gələn uşaqların sayı artıb

28 Fevral 2024

Açıq mənbələrdən götürülüb

2022-ci ildə 18 yaşadək analar tərəfindən 2011 uşaq dünyaya gətirilib. 2021-ci illə müqayisədə 361 nəfər artım olub. Toplum TV APA-ya istinadən xəbər verir ki, bunu Ailə, Qadın və Uşaq Problemləri üzrə Dövlət Komitəsinin Hüquqi-Təminat şöbəsinin müdiri Taliyə İbrahimova bildirib. Onun sözlərinə görə, ən yüksək göstəricilər Qazax-Tovuz, Mərkəzi Aran və Qarabağ iqtisadi rayonlarında qeydə alınıb. Taliyə İbrahimova, həmçinin qeyd edib ki, Ailə Məcəlləsinə əsasən nikah yaşının 1 yaş azaldılması ilə bağlı yerli icra hakimiyyəti orqanları tərəfindən 271 qərar (Qazax-Tovuz və Mərkəzi Aran rayonları üstünlük təşkil edir) qəbul edilib: "Dövlət Komitəsinin yerli icra hakimiyyəti orqanlarından əldə etdiyi məlumata əsasən 2022-ci ildə 269...

Seçilmiş Videolar

Toplum TV loqo