Sosial

"Wolt"a etiraz edən aksiyaçı: "Çağırıb dedilər ki, dövlətlə dövlətçilik eləmə..."

2 Sentyabr, 2022
1505

"Wolt" şirkətinin bir qrup kuryeri Bakıda aksiya keçirib. 

Onlar daşınma haqqının endirilməsinə etiraz əlaməti olaraq “Wolt”un boykot edilməsinə çağırış ediblər. 

Bundan sonra aksiyanın təşkilatçısı, "D18 Hərəkatı"nın idarə heyətinin üzvü Afiəddin Məmmədov Bakı Şəhər Baş Polis İdarəsinə dəvət edilib.

Məmmədov "Toplum TV"-yə bildirib ki, polis idarəsində ondan kuryerlərin tələblərinin nə olduğunu soruşublar: "Daha sonra bu işi araşdıracaqlarını bildirdilər. Mənə bir daha etiraz aksiyaları keçirməməyimizi tövsiyə etdilər. Bildirdilər ki, dövlətlə dövlətçilik eləmə...". 

"Mən isə öz növbəmdə Konstitusiyanın 49-cu maddəsini əsas gətirdim və bizim sərbəst toplaşmaq hüququmuzun  olduğunu dedim. Ad soyadımı qeydiyyata alıb, sərbəst buraxdılar", - deyə Məmmədov əlavə edib.

Afiəddin Məmmədov deyib ki, onlar əsasən üç tələblər çıxış ediblər: "Birincisi, ikili sifarişlərdə hər sifariş götürüldüyü yerdən, çatdırıldığı yerə hesablansın, ikincisi, hər 100 metr üçün tarif 0.03 qəpikdən 0.06 qəpiyə qaldırılsın, üçüncüsü də, yol xəritəsi "Waze" və ya "Google maps" proqramları olsun".

O bildirib ki, tələbləri yerinə yetirilməyincə etirazları davam edəcək. 

Daxili İşlər Nazirliyi isə aksiyaçıların polisə çağırılmasının araşdırma məqsədi daşıdığını deyib. 

"Wolt" 2014-cü ildə Sluş Miki Kuusinin tərəfindən qurulub. 

Mənzil qərargahı Helsinki şəhərində yerləşir. 

"Bloomberg" yazır ki, 2018-ci ilin yanvarında "Wolt" 30 milyon dollar maliyyə vəsaiti toplayıb. 

Bu, 2019-cu ildə 70 milyon dollara yaxın olub.

Şirkət 2019-cu ildə Azərbaycanda fəaliyyətə başlayıb.


Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Sosial

Azad edilmiş ərazilərdə evlərini özləri inşa etmək istəyənlərin müraciətlərinə baxıla bilər

6 Mart 2024

Açıq mənbələrdən götürülüb

Azad edilmiş ərazilərdə evlərini özləri inşa etmək istəyən vətəndaşların müraciətlərinə baxıla bilər. Toplum TV xəbər verir ki, bu, Nazirlər Kabinetinin 2023-cü il üzrə fəaliyyəti haqqında hesabatında əks olunub. Qeyd edilib ki, yenidənqurma prosesi Qarabağ və Şərqi Zəngəzur iqtisadi rayonları üzrə işlənilmiş, Nazirlər Kabineti tərəfindən təsdiq olunmuş “İşğaldan azad edilmiş ərazilərin Ümumi Planı” əsasında həyata keçirilir.  https://toplum.tv/sosial/psu-ve-kanalizasiya-probleminin-helline-milyardlarla-manat-teleb-olunurp Hesabatda bərpa və yenidənqurma, eləcə də sərmayələrin cəlb edilməsi işində özəl sektor və vətəndaş cəmiyyəti ilə əməkdaşlığın əhəmiyyət kəsb etdiyi vurğulanıb. Belə ki, bunun büdcə vəsaitinə qənaət edilməsinə şərait yaradacağı bildirilib.  “Bərpa-quruculuq proseslərində iştirak etmək istəyən şəxslər tərəfindən konkret müraciətlər olacağı təqdirdə, onlara yaşayış...
Sosial

Din xadimlərinin attestasiyasına başlanılıb

4 Mart 2024

Açıq mənbələrdən götürülüb

İslam dininə aid ibadət yerlərində və ziyarətgahlarda çalışan din xadimlərinin attestasiyasına başlanılıb. Toplum TV xəbər verir ki, bu barədə martın 4-də Dini Qurumlarla İş üzrə Dövlət Komitəsi (DQİDK) məlumat yayıb. Bildirilib ki, bu məqsədlə Attestasiya Komissiyası yaradılıb. Komissiyada DQİDK və Qafqaz Müsəlmanları İdarəsinin (QMİ) nümayəndələri ilə yanaşı, ilahiyyatçı alimlər təmsil olunurlar. https://toplum.tv/sosial/pemin-emrullayev-azerbaycan-elmine-ayrilan-maliyye-azdirp Attestasiya prosesində fəaliyyət dövrünün 5 ilini tamamlamış 64 din xadiminin iştirakı nəzərdə tutulur. Attestasiyanın martın 6-da başa çatması planlaşdırılır. Qeyd edək ki, “Dini etiqad azadlığı haqqında” qanuna görə, “İslam dininə aid ibadət yerlərinə və ziyarətgahlara din xadiminin təyin olunması, attestasiyası və tutduğu vəzifədən azad edilməsi Qaydası”na əsasən, İslam...

Seçilmiş Videolar

Toplum TV loqo