Sosial

Xalid Bağırov ADO-ya rəhbər gətirildi

Məzahir Abdurahmanov
30 İyul, 2021
432

“Teatrın mövcud ola bilməsi üçün bütün təşkilati məsələlərlə mən məşğul olacam”.

Hüquqşunas Xalid Bağırov “Toplum TV”-yə açıqlamasında belə deyib.

X.Bağırov ADO teatrının direktoru təyin olunub.

Bu barədə iyulun 30-da teatrın "Feysbuk"-dakı rəsmi hesabında məlumat verilib.

"Uzun sürən pandemiya və çətinliklərdən dolayı bir ildən çoxdur ki, teatrın fəaliyyətində problem yaranıb. Bu ilin mart ayında teatr icarədə olduğu məkandan çıxarılıb. ADO-nun təsisçisi Elmin Bədəlov yalnız yaradıcılıqla məşğul olmaq istədiyini bildirib və direktor olmaqdan imtina etmişdi”.

X.Bağırov qeyd edib ki, hüquq sahəsindəki fəaliyyətini də davam etdirəcək: “Mənim hüquqşunaslıqla məşğul olmağım hər hansı təşkilatın menecmentliyini yüklənməyimə mane olmur”.

“Teatırın yaradıcıllıq fəaliyyətinə qarışmaq fikrim yoxdu. Mən Elmin Bədəlovun yaradıcıllığına, müəllifliyinə, bədii zövqünə güvənirəm”,- deyə hüquqşunas bildirib.

X.Bağırov detallar barədə danışmaq istəməyib, teatrla bağlı müəyyən planlarının olduğunu bildirib: “Planları müzakirə etmişik, yaxın zamanlarda teatrın fəaliyyətini bərpa edəcəyik”.

“Xalid Bağırov illər əvvəl ədəbiyyatda Xalid Şürük imzası ilə tanınıb.

"Kafkazuzel" İnformasiya Agentliyinin təsis etdiyi “Qafqazın qəhrəmanı” mükafatına layiq görülüb.

“Start” Beynəlxalq Tələbə Filmləri Festivalının ideya müəllifi olub" – xəbərdə belə deyilir.

Sosial

Həftəsonları ictimai nəqliyyat işləyəcək, əyləncə və istirahət mərkəzləri açılır

24 Sentyabr 2021

Sosial Media

Ölkə üzrə peyvənd olunan vətəndaşların sayının artması və eyni zamanda yoluxma hallarının dinamikasının davamlı şəkildə azalması nəzərə alınaraq, xüsusi karantin rejimi çərçivəsində yumşalma tədbirlərinin növbəti mərhələsinin tətbiqi ilə bağlı qərar qəbul edilib. Nazirlər Kabineti yanında Operativ Qərargahın qərarına əsasən, 2021-ci il oktyabrın 1-dən etibarən həftəsonu ictimai nəqliyyatda, həmçinin Bakı Metropolitenində sərnişindaşıma fəaliyyətinin dayandırılması ilə bağlı məhdudiyyət ləğv olunur. Əlavə olaraq, 2021-ci il oktyabrın 1-dən aşağıda qeyd olunan iş və xidmət sahələrinin fəaliyyətinin bərpa edilməsi ilə bağlı qərar verilib: - istirahət və əyləncə məkanlarının (klublar daxil olmaqla), həmçinin uşaq əyləncə məkanlarının (bulvar və parkların ərazisində olanlar daxil olmaqla) fəaliyyəti; - ümumi...
Sosial

Gündəlik yoluxma statistikası açıqlandı

24 Sentyabr 2021

Açıq mənbələrdən götürülüb

Azərbaycanda koronavirus (COVID-19) infeksiyasına 1 128 yeni yoluxma faktı qeydə alınıb, 2 590 nəfər müalicə olunaraq sağalıb. Operativ Qərargahdan verilən məlumata görə, analiz nümunələri müsbət çıxan 21 nəfər vəfat edib. İndiyədək ölkədə ümumilikdə 478 715 nəfərin koronavirus infeksiyasına yoluxması faktı müəyyən edilib, onlardan 446 643 nəfər müalicə olunaraq sağalıb, 6 415 nəfər vəfat edib, aktiv xəstə sayı 25657 nəfərdir. Son sutka ərzində yeni yoluxma hallarının müəyyənləşdirilməsi ilə əlaqədar 11 505, ötən müddət ərzində isə ümumilikdə 4 802 229 test aparılıb. Vaksinasiya Azərbaycanda bu gün 58 256 nəfər vaksinasiya olunub. Bu barədə Nazirlər Kabineti yanında Operativ Qərargah məlumat yayıb. Birinci mərhələ...
Seçilmiş Videolar