Sosial

Xoşbulaqda xoş olmayan mənzərə - REPORTAJ

24 İyun, 2020
1900
Yerli əhali Daşkəsəndəki antisanitar vəziyyətdən narazılıq edir.

Kiçik Qafqazın ən hündür zirvələrindən birinin yerləşdiyi Qoşqar dağının ətəyində bir kənd var: Xoşbulaq kəndi. Daşkəsən rayonunun ərazi vahidinə daxil olan bu kəndin antisanitar vəziyyəti əhalini narahat edir.

Bu barədə Toplum.Tv-yə rayon sakinləri danışıblar. 

Onlar deyiblər ki, Daşkəsən dağları uzun illər yaylaq yeri kimi istifadə edilib.

Cənubi Qafqazın ən gözəl yaylaqlarından biri Daşkəsəndə, xüsusilə Xoşbulaqdadır. 

Statistik məlumatlara görə, yaylağa, yay mövsümü ərzində 12 minə yaxın yerli və xarici turist üz tutur.

Təmiz hava, yaşıllığın bol olması, zəngin fauna, Murovdağ silsiləsi boyunca uzanan meşə massivləri yay aylarında təbiət həvəskarlarını Xoşbulaq yaylasına cəlb edir. Lakin hazırki vəziyyət insanlar və digər canlılar  üçün həyati təhlükə yaradır.
 


Şəkillərdə gördüyünüz yer hər hansı zibilxana deyil, bura Azərbaycanın turizm yerlərindən olan Xoşbulaq yaylasıdır. Burada tarixi abidələr var və  istirahət mərkəzləri fəaliyyət göstərir. 

Yerli sakinlərdən biri bildirir ki, zibillikdən və üfunət qoxusundan yaylağa gəlmək mümkün deyil: "Problem bununla da bitmir. Qoşqarçaya atılan tullantılar təhlükə mənbəyinə çevrilib. Çaya atılan zibillər Kür çayına axıdılır. Qoşqarçaydan istifadə edən Daşkəsən əhalisi, onların heyvanları və çayda olan canlıları üçün də təhlükə mənbəyinə çevrilib. Sahili zibilxanaya çevrilməmişdən öncə çayda adı qırmızı kitaba düşmüş farel balığına rast gəlinirdi. İndi o da yoxdu. Eləcə də, çay sahilində yaranmış arzuolunmaz vəziyyət yaylaqda otarılan mal-qara üçün çətinliklər yaradıb".
 


Hər il istirahət üçün xoşbulağa üz tutan Kübra Ələkbərova da yaranmış vəziyyətdən şikayətçidir. 

O deyir ki, Xoşbulaq kəndi yay aylarında turistləri ən çox cəlb edən məkanlardandır: "Artıq neçə ildir ki, hər il bura istirahətə gəlirik. İldən-ilə isə kəndin infrastrukturu pisləşir. İnkişafdan ümumiyyətlə söhbət gedə bilməz. Gün ərzində bir neçə dəfə verilən çox zəif işıqlar söndürülür. Kənd tam qazlaşdırılmayıb, kəndin daxili yolları bərbad vəziyyətdədir. İçməli su problemi heç kimi narahat etmir. Bu azmış kimi məişət tullantılarının yığılması üçün heç bir iş görülmür. Kəndin hər yerindən zibil qutuları yığışdırılıb, zibili atmağa yerlər yoxdur. Biz Gəncəyə qayıdanda yolda zibil qabı olmadığı üçün zibili özümüzlə gətirməli olduq. Maraqlıdır yerli özünüidarəetmə orqanları nə ilə məşğuldurlar?!"
 


Yerli sakinlər də bu məsələ ilə bağlı narazı olduqlarını bildirdilər. Dəfələrlə yerli icra orqanlarına müraciət etdiklərini, amma şikayətlərinə baxılmadığını dedilər.

Məsələ ilə bağlı Ekologiya və Təbii Sərvətlər Nazirliyi ilə əlaqə saxlamağa çalışsaq da, zənglərimizə cavab verən olmadı.
 


Təhminə Əli
Sosial

 

Koronavirus statistikası: Azərbaycan

1 Avqust 2021

Sosial Media

Azərbaycanda koronavirus (“COVID-19”) infeksiyasına 671 yeni yoluxma faktı qeydə alınıb, 202 nəfər müalicə olunaraq sağalıb. Nazirlər Kabineti yanında Operativ Qərargahdan verilən məlumata görə,4 nəfər vəfat edib. İndiyədək ölkədə ümumilikdə 344 520 nəfərin koronavirus infeksiyasına yoluxması faktı müəyyən edilib, onlardan 333 128 nəfər müalicə olunaraq sağalıb, 5 027 nəfər vəfat edib. 6 365 nəfər aktiv xəstə sayını təşkil edib. Son sutka ərzində yeni yoluxma hallarının müəyyənləşdirilməsi ilə əlaqədar 9 400, bu günə qədər isə ümumilikdə 4 043 740 test icra olunub. Azərbaycanda son sutkada koronavirus əleyhinə 68 416 vaksin vurulub. Bir gündə birinci mərhələ üzrə vaksinasiya olunanların sayı 43 346, ikinci...
Sosial

Son sutkada peyvənd olunanların sayı

30 İyul 2021

Açıq mənbələrdən götürülüb

Azərbaycanda son sutkada koronavirus (COVID-19) əleyhinə 87 286 vaksin vurulub. Bu barədə iyulun 30-da Nazirlər Kabineti yanında Operativ Qərargah məlumat yayıb. Bir gündə birinci mərhələ üzrə vaksinasiya olunanların sayı 50 103, ikinci mərhələ üzrə vaksinasiya olunanların sayı 37 183 nəfərdir. Ölkədə vurulan vaksinlərin ümumi sayı 4 885 572, birinci mərhələ üzrə vaksinasiya olunanların ümumi sayı 2 827 855, ikinci mərhələ üzrə vaksinasiya olunanların sayı isə 2 057 717 təşkil edir.
Seçilmiş Videolar