Sosial

Yeniyetməyə təcavüz etməkdə şübhəli bilinən şəxs saxlanılıb

20 Oktyabr, 2021
2134

Rəsmi səhifə

Yazar Zümrüd Yağmurun qızı Sənaya (Qəhrəmanlı) cinsi zorakılıq törətdiyi iddia edilən Əsgər Ağazadə oktyabrın 19-da şübhəli şəxs qismində saxlanılıb.

Bu barədə Zümrüd Yağmur özünün "Facebook" səhifəsində məlumat verib. 

"Əsgər Ağazadə Yusif oğlu şübhəli şəxs qismində saxlanılıb. Dəstək olan hər kəsə təşəkkür edirəm", - deyə Z. Yağmur qeyd edib. 

O, "Meydan TV"-yə açıqlamasında həmçinin bunları deyib

“İnana bilmirdim ki, bu baş verib. Çünki 1 il 2 aydır gözləyirdim, indi şokdayam. Ümid edirəm ki, bundan sonra da proses indiki kimi davam edər. Cinayətkar öz cəzasını alar və indiyədək baş vermiş qanunsuzluq aradan qalxar. Bizim istəyimiz tək budur.

Mən heç kimin təcavüzlə və bizim üzləşdiyimiz dəhşətli qanunsuzluqla üzləşməyini istəmərəm. Bundan sonrakı sürəcdə də ümid edirəm ki, eyni həssaslığı görəcəyik. Bu cinayət işində qanunsuzluğun, ədalətsizliyin olması barədə bir də paylaşım etməməyə ümid edirəm. Cinayətkar saxlanıldı, bundan sonra məhkəməyə çıxarılmalı, layiq olduğu cəzanı almalıdır”.

Yazıçı sonda vurğulayıb ki, bu ədalətsizliyin aradan qaldırılması həm də ictimai dəstəyin nəticəsidir.

Oktyabrın 13-də yazar Zümrüd Yağmur mətbuat konfransı keçirərək qızı Sənay Yağmurun 1 il əvvəl cinsi zorakılığa məruz qaldığını açıqlayıb.

O deyib ki, ona bu zorakılığı edən bacısı oğlu Əsgər Ağayevdir.

Yazarın sözlərinə görə, ekspertiza rəylərində Sənayın paltarındakı biomaterialların Əsgər Ağayevə məxsus olduğu göstərilsə də, indiyədək o həbs olunmayıb: “Hadisə günü Əsgər Ağayev Sənayın içkisinə narkotik vasitə qatıb və huşsuz halda ona qarşı zorakılıq edib”.

Faktla bağlı Cinayət Məcəlləsinin 149-cu (zorlama) maddəsilə cinayət işi başlanıb. Ancaq Yasamal Rayon Prokurorluğu Əsgər Ağayevin məsuliyyətə cəlb edilməsilə bağlı yetərli dəlillərin olmadığını bildirərək cinayət işi üzrə icraata 2 dəfə xitam verib.

“Əsgər Ağayev cinayət işində, sadəcə, şahid qismində dindirilib”, - Zümrüd Yağmur deyib.

Oktyabrın 18-də isə Baş Prokurorluq məlumat yayıb ki, Sənay Yağmurun cinsi təcavüzə məruz qalması barədə müraciəti əsasında Cinayət Məcəlləsinin 149.2.3 (təqsirkar şəxs üçün aşkar surətdə yetkinlik yaşına çatmayan şəxsə qarşı törədildikdə) maddəsi ilə Yasamal Rayon Prokurorluğunda başlanmış cinayət işi Baş Prokurorluğun rəhbərliyi tərəfindən nəzarətə götürülməklə istintaqın davam etdirilməsi istintaq idarəsinə həvalə edilib.

Zümrüd Yağmurun şikayətinin lazımi qaydada araşdırılması üçün imza kampaniyasına da başlanılıb.

Kampaniyanı “Qadın üçün” komandası başladıb və artıq yüzlərlə şəxs imzalayıb.

Bu məsələ ictimailəşəndən bu yana Əsgər Ağayev və ailəsindən münasibət öyrənmək mümkün olmayıb.


Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Sosial

Xocalı qətliamından 32 il ötür

26 Fevral 2024

Açıq mənbələrdən götürülüb

Ermənistan silahlı qüvvələri tərəfindən Rusiyanın 366-cı motoatıcı alayının iştirakı ilə Azərbaycanın Xocalı şəhərinin işğalı və Xocalı qətliamının törədilməsinin növbəti ildönümüdür. Toplum TV xəbər verir ki, hadisələrdə 32 il ötür. 1992-ci il fevralın 25-dən 26-na keçən gecə baş verən kütləvi qırğın 613 nəfərin, o cümlədən 106 qadın, 63 uşaq, 70 qocanın həyatına son qoyub. 1 275 dinc sakin əsir götürülüb, onlardan 150 nəfərin taleyi hələ də məlum deyil. 475 nəfər şikəst olub. 8 ailə bütünlüklə məhv edilib. 25 uşaq hər iki valideynini, 130 uşaq isə valideynlərindən birini itirib. Xocalı şəhəri 2023-cü il sentyabrın 19-20-də Azərbaycan Ordusunun Qarabağda keçirdiyi lokal xarakterli antiterror tədbirləri...
Sosial

Azərbaycanda bələdiyyələrin sayı azaldılır

23 Fevral 2024

Rəsmi səhifə

Azərbaycanda bələdiyyələrin sayı 500-ə endirilir. Toplum TV “Report”a istinadən xəbər verir ki, bu, “Bələdiyyələrin birləşməsi, fəaliyyəti, ayrılması və ləğv edilməsi haqqında” qanuna dəyişiklik layihəsində öz əksini tapıb. Bildirilir ki, hazırda ölkədə 1 605 bələdiyyə var. Qanun layihəsi qəbul ediləcəyi təqdirdə, Azərbaycanda 500-ə yaxın bələdiyyə fəaliyyət göstərəcək. Həmçinin layihəyə əsasən, 1000 evdən az olan kəndlərin bələdiyyələri ləğv olunacaq və böyük bələdiyyələr yaradılacaq. Buna kiçik bələdiyyələrin vergiləri toplaya bilməməsi kimi səbəblər göstərilib. 

Seçilmiş Videolar

Toplum TV loqo