Sosial

Zaqatala xəstəxanasında ana ölümü – “Qızımın qatilləri həkimlərdir”

Aytac Məmmədli
26 Aprel, 2022
133

“Ekspertiza rəyinə inanmıram. Qızımın qatilləri Zaqatala Rayon Mərkəzi Xəstəxanasının həkimləridir”

Ötən ay 26 yaşlı Rəna Ramazanovanın doğuşdan sonra Zaqatala Rayon Mərkəzi Xəstəxanasında ölməsilə bağlı məlumat yayılıb.

Hadisə ilə bağlı Cinayət Məcəlləsinin 314.2-ci (səhlənkarlıq – zərərçəkmiş şəxsin ölümünə və ya digər ağır nəticələrə səbəb olduqda) maddəsi ilə cinayət işi başlanıb.

Xəstəxananın Ginekologiya və doğum şöbəsinin müdiri Rəna Sultanova, Mama-ginekoloq Mehriban Hüseynova və növbədə olan digər tibb işçiləri Zaqatala rayon Prokurorluğunda izahat və ifadə veriblər.

Məhkəmə Tibbi Ekspertizanın ilkin rəyinə əsasən, ananın ölümünə səbəb “Kəskin ürək və ağciyər çatışmazlığı, tromboemboliya”dır. Hazırda iş üzrə zəruri istintaq tədbirləri davam etdirilir.

“Toplum TV”-yə danışan R. Ramazanovanın atası Eyvaz Mahmudov ekspertiza rəyindən narazıdır, o, şiddətli ağrıları olan qızının tromboemboliyadan əziyyət çəkdiyinə inanmır, adıçəkilən həkimlərin tez bir vaxtda cəzalandırılmasını istəyir.

“Qızım martın 19-da qeysəriyyə əməliyyatı ilə uşaq dünyaya gətirib, xəstənin vəziyyəti və uşaq normal olub. Amma iki gün sonra – martın 21-nə keçən gecə qızımın vəziyyəti xəstəxanada ağırlaşıb və ona heç kəs yardım göstərməyib. Qızımın qatilləri xəstəxanının həkimləri – Mehriban Hüseynova, Rəna Sultanova və onlara himayədarlıq edən baş həkim Leyla Seyidəliyevadır”.

Rəna Ramazanova ölümündən bir neçə saat əvvəl əri ilə telefonla danışıb. Danışıqların qeyd edildiyi səsyazıda qadın ərinə dözülməz ağrılar keçirdiyini, ona tez-tez ağrıkəsici iynələrin vurulduğunu, hətta doğum şöbəsində ona baxacaq həkimin olmadığını dilə gətirir.

Eyvaz Mahmudovun müraciətini və qızının səs yazılarını buradan izləyə bilərsiniz.

E. Mahmudovun dediyinə görə, Zaqatala rayonunda etiraz aksiya keçirmək istəsə də, rayon icra hakimiyyəti və prokurorluq ona icazə verməyib.

Ata qızının 40 mərasimindən sonra Bakıya, Baş Prokurorluğun önünə etiraza gələcəyini bildirib.

“Toplum TV” mövzunu diqqətdə saxlayacaq.

Bu, Zaqatala rayon Mərkəzi Xəstəxanasından olan ilk şikayət deyil. İllərdir ki, Kütləvi İnformasiya Vasitələrində rayon sakinlərinin xəstəxanadan şikayətləri paylaşılır.

(bax: - Zaqatala rayon Mərkəzi Xəstəxanasının Baş həkimi Leyla Seyidəliyevadan – ŞİKAYƏT, - “Mənim anamı Zaqatala Xəstəxanasının həkimləri öldürdülər”, - Zaqatala Xəstaxanasının baş həkimi uşağımı pula görə öldürdü )

 

 

 

Sosial

Türkiyədə imtahan suallarını qanunsuz satan azərbaycanlılar saxlanılıb

17 May 2022

açıq mənbədən götürülüb

Ankarada Amerika və Türkiyə universitetlərində təhsil almaq istəyən əcnəbi tələbələrə SAT imtahan (Scholastic Aptitude Test - akademik qabiliyyət imtahanı) suallarını satdığı iddia edilən 6 şəxs saxlanılıb. "TRT Haber"in məlumatına görə, saxlanılanlar arasında azərbaycanlıların da olduğu deyilir. Ankara Respublika Baş Prokurorluğu mayın 7-də keçirilən SAT imtahan suallarının Ankarada 2-3 min dollara satılmasından sonra istintaqa başlayıb. İstintaqı dərinləşdirən prokurorluq, İran və Azərbaycan vətəndaşları da daxil olmaqla 6 şübhəlinin “Telegram” mesajlaşma proqramı vasitəsilə əlaqəyə girdiyini aşkarlayıb. Cahid və M.N. adlı şəxslərin sualları “karantin” adlandırdıqları evlərdə payladıqları müəyyən edilib. Baş Prokurorluğun göstərişi ilə Maliyyə Cinayətlərinə Qarşı Mübarizə İdarəsinin əməkdaşları təyin olunmuş ünvanlarda eyni vaxtda...
Sosial

Müştəri restoranda servis haqqı ödəməlidirmi?

Roza Məmmədova
17 May 2022

Getty Images

Restorana gedəndə xərcinizi menyudakı qiymətlərə görə hesablayırsınızsa, sürprizə hazır olun. Bəzi kafe və restoranlarda yeyib içdiyinizdən əlavə servis haqqı da tutulur. Nədir servis haqqı? Bura restoranda dinlədiyiniz musiqi, servis xidməti, istifadə olunan qab-qacaq və s. aiddir. Bakıda “Özsüt” restoranında ofisiant işləyən Pünhan Cəfərov (ad şərtidir) deyir ki, müştərilər əvvəlcədən servis haqqı tutulduğunu bilmir: “Onlar bunu ya menyu jurnalından, ya da hesab qəbzindən öyrənə bilirlər. Müştərilər çox zaman servis haqqını ən sonda, hesabı istəyəndə görür, təbii, narazılıq edənlər də olur”. Pünhanın sözlərinə görə, bu restoranda əlavə xidmət haqqı ümumi hesabın 6%-i qədərdir: “Servis haqqı ofsiantlar müştəriyə qulluq edir, restoranın boşqabları istifadə...

Seçilmiş Videolar

Toplum TV loqo